“AzerGold” tərəfindən 2035-ci ilədək əlvan və qara metal yataqlarının səmərəli istismarı ilə ölkənin məcmu ÜDM-nə 21,9 mlrd. manat həcmində töhfənin verilməsi,16 minə yaxın işçinin cəlb edilməsi proqnozlaşdırılır.

Valyuta.az xəbər verir ki, bu barədə Azərbaycanın iqtisadiyyat naziri Mikayıl Cabbarov öz "Twitter" hesabında yazıb. 

Nazir bildirib ki, Prezident İlham Əliyevin Daşkəsən rayonuna səfəri çərçivəsində “AzerGold” QSC-nin “Çovdar” İnteqrə olunmuş Regional Emal Sahəsinə və “Mərəh” qızılmədəninə diqqəti qeyri-neft sektorunun əsas sahələrindən olan dağmədən sənayesinə verilən böyük önəmin göstəricisidir.