Türkiyəli həkim Safa Gursoyun Azərbaycandan çıxışına stop qoyula bilər. 

Valyuta.az xəbər verir ki, İqtisadiyyat Nazirliyi yanında Dövlət Vergi Xidmətinin Bakı Şəhəri Lokal Gəlirlər Baş İdarəsi onun barəsində xüsusi icraat qaydasında məhkəməyə müraciət edib.

İşin mahiyyəti Vergi ödəyicisi olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında işlər üzrə icraatdan ibarətdir. 

İş Bakı Kommersiya Məhkəməsinin hakimi Zaur Pirverdiyevin icraatındadır. 

Araşdırmalarımız zamanı məlum olub ki, Safa Gursoyun hazırda 6769.43 AZN vergi borcu var. 

Hüseyn