“Pandemiyadan sonra insanların immun sistemi çox zəifləyib və onlar xəstəliklərə xeyli həssasdır”. 

Bunu Valyuta.az-a açıqlamasında professor Adil Qeybulla Bakıda yayılan qrip virusundan qorunmağın yollarını izah edərkən deyib. 

Professor bildirib ki, pandemiya bitsə də, "Omikron"un mutasiya ştamları hələ davam edir:

“Həmin ştamların ortada olması ehtimlı az deyil. Xeyli insanlarda soyuqdəymə halları qeydə alınıb, əsasən də yuxarı tənəffüs yollarının infeksiyalarıdır. Əvvəllər də bu cür infeksiyalar olub. Qripin özünün, A virusunun da ştamları belə vaxtlarda bəzən çox fəallaşıb. Bir şəxs xəstələnir və başqalarını da həmin virusa yoluxdurur. Ona görə də bu haqda heç nə deyə bilmirik, yalnız laboratoriyanın nəticələri bəlli olandan sonra nəsə demək olar”. 

Bəs, qripdən qorunmaq üçün nə etməli?

Adil Qeybulla koronavirus pandemiyasından insanların xeyli təcrübə əldə etdiyini qeyd edib:

“Xəstə özünü və ətrafdakıları qorumalıdır. Maska taxmalı, ətrafdakılardan məsafə gözləməli, dezinfeksiya işlərinə əməl etməlidir. Yaxşı olar ki, çoxlu maye qəbul eləsin, yataq rejimində olsun. Sağlam adamlarda özlərini qorumalıdır. Vitaminlər, meyvə-tərəvəz qəbulunu gücləndirmək, kondisioner olan otaqda oturmaq tövsiyyə edilmir. Bunlar mühim şərtdir”.

Aylin