“Azərbaycanda bu tip müəssələrin açılması müsbət addımdır, biz bununla rəqabətyönümlü mühit izləyəcəyik”. 

Bu sözləri Valyuta.az-a iqtisadçı Asif İbrahimov Ələt Azad İqtisadi Zonasında 4 farmakoloji zavodun açılması haqqında danışarkən deyib.

Asif İbrahimov qeyd edib ki, bu layihənin azad iqtisadi zonada həyata keçirilməsi bir çox güzəştlərin tətbiq ediləcəyi ilə bağlı proqnoz verməyə əsas verir: 

“Azad iqtisadi zonalarda bir çox güzəştlərin tətbiqi həyata keçirilir. Amma bir məsələyə diqqət yetirmək istəyirəm ki, Azərbaycan istehlakçısının xüsusi ilə Rusiya, Türkiyə, Ukrayna və Hindistandan gətirilən dərman peraparatlarına artıq gözləri uyğunlaşıb. Bir çox xəstəxanalarda, tibb müəssələrində həkimlərin daimi olaraq yazdığı dərman peraparatları mövcuddur”.

İqtisadçı əlavə edib ki, ölkə daxilində istehsal olunacaq dərmanlar həm də xaricdən gətirilən dərman peraparatları ilə rəqabət apara bilməlidir:

"Bu məhsulların istehsal edilməsinə çəkilən xərclər də özünü doğrultmalıdır. Məhsulun qiyməti onun ərsəyə gətirilməsində çəkilən xərclərdən çox asılıdır. Azad iqtisadi zonada bu müəssələrin qurulması bir üstünlükdür, amma onun ərsəyə gətirilməsində lazım olan xammal və inqiridentlərində xüsusi ilə ölkə daxilində istehsalı və ya xaricdən daha ucuz qiymətə gətirilməsi şərtdir. Bu baxımdan qiymətlərin ucuz olmasına ciddi təsir edəcək. Eyni zamanda bu dərman preparatlarının təyinatını bilmək lazımdır. Yəni hələlik konkret Azərbaycan dərman peraparatları bazarında olan hansı məhsullara alternativ dərman istehsal edəcəyi haqqında məlumat yoxdur. Düşünürəm ki, bu sahəyə ciddi təsiri olacaq və alternativini bilməsək də, o dərman peraparatları bazarda müəyyən rəqabət yaradacaq”. 

Qeyd edək ki, Milli Məclisin deputatı Əhliman Əmiraslanov Milli Məclisin iclasında Ələt Azad İqtisadi Zonasında dərman istehsal edəcək 4 zavodun inşasına başlanıldığını bildirib.

Davud