Cahid Şahbazov ilk yayılan xəbəri necə təsdiq etdi? 

2 gün öncə mətbuatda "Türkiyədən Bakıya gələn oftolmoloqlardan rəzillik" başlıqlı xəbər yayıldı. Xəbərdə bildirilirdi ki, bütün dünya Türkiyədə baş verən zəlzələyə qan ağlayarkən, türk həkimlər Bakıda özlərini rəzil duruma salıblar. 

Azərbaycanda ilk dəfə baş tutan Qara Dəniz Oftalmologiya Cəmiyyəti (BSOS) konqresinə təşrif buyurmuş türk həkimlər konfrans keçiriblər, daha sonra da məclis təşkil edib, mahnılar oxuyub, qədəhlər toqquşdurub, çalıb-oynayıblar. 

Dünyanın müxtəlif ölkələrindən gələn oftalmoloqları bir yerə yığan və onlara əyləncə təşkil edən isə Azərbaycanın tanınmış göz həkimi Cahid Şahbazov olub. 

Bu xəbər yayıldıqdan bir gün sonra isə bütün mətbuat orqanlarından xəbər yığışdırıldı. Əvəzində isə yeni xəbər yayıldı. 

"Cahid Şahbazov dünyaca məşhur həkimləri bir araya yığıb" başlıqlı xəbərdə bildirildi ki, Azərbaycanda ilk dəfə Qara Dəniz Oftalmologiya Cəmiyyəti (BSOS) konqresi baş tutub.

Professor Dr. Mahmut Kaşkaloğlu, Dr. Baha Toyqar və Dr. Cahid Şahbazovun ev sahibliyi ilə keçən 20 illik yubiley tədbiri iki gün davam edib.

Dünyanın müxtəlif guşələrindən olan mütəxəssislərlə əlaqə saxlamaq, fikir mübadiləsi aparmaq və tibb texnologiyasında yeni nailiyyətlərin potensialını araşdırmaq üçün ideal platforma olan konqresə bir çox elmi sessiyalarda iştirak edən 25 məruzəçi qatılıb". 

Beləliklə, Cahid Şahbazov təşkilatçılıq etdiyi, Türkiyənin ağır günündə bir yerə yığıb yedirib-içirdiyi, çalıb-oynadığı və özü də bunun hansı nəticəni verəcəyini düşünmədən paylaşdığı, buna görə rəzil duruma düşənləri rəzillikdən qurtarıb, hadisələrə əzizlik donu geyindirsə də alınmadı. Cahid Kazımov unutdu ki, mətbuat vasitəsilə hər kəsi aldada bilər, amma onu kənardan izləyən, yaxşı-yaxşı müşahidə edən jurnalistləri yox! 

İndi isə söz oxucunundur... 

Rəzil duruma düşüb özünə əzizlik qazandıranları yaxşı tanısın! 

Elmar Hüseynov