Kliniki Tibbi Mərkəzin ("Semaşko") yeni binasının görüntülərinin eskizi yayılıb. 

Valyuta.az xəbər verir ki, bu fotoları Kliniki Tibbi Mərkəzin İctimaiyyətlə əlaqələr bölməsinin rəhbəri Elnur Hidayətoğlu öz sosial şəbəkə hesabında paylaşaraq bu sözləri qeyd edib:

"Adının dəyişməsinə baxmayaraq, yenə də israrla "Semaşko” dediyiniz Kliniki Tibbi Mərkəzi belə görmək istərdiniz? 

Bəlkə də kimlərsə "bu, mümkün deyil” deyəcək. Amma mümkündür. Əsas odur ki, bu dəyişiklik ürəkdən istənilsin, əsas odur ki, bu dəyişiklik üçün imkanlar olsun, ortada real iş planı və peşəkar insanlar olsun! 

Bəli, bura hərtərəfli dəyişir. Həm də təsəvvür etməyəcəyiniz dərəcədə dəyişir. 

Burada ən müasir, ən böyük və ən etibarlı dövlət xəstəxanası formalaşdırılır...

Bütün bunlar icbari tibbi sığorta ilə reallaşır. Məhz icbari tibbi sığortanın yaratdığı imkanlarla...

Və ən nəhayət Azərbaycan Respublikasında icbari tibbi sığortanın tətbiqinin təmin edilməsi ilə bağlı cənab Prezident İlham Əliyevin verdiyi fərman və tapşırıqların doğru icrası nəticəsində reallaşır. 

Bu millət, bu xalq belə bir tibb ocağına layiqdir...”

Elnur Hidayətoğlu onu da qeyd edib ki, artıq işlərin böyük bir qismi bitmək üzrədir. 

Eskiz fotoları təqdim edirik: