Rusiyada koronavirusun beşinci dalğasının nə vaxt bitəcəyi məlum olub.

Bu, yaya yaxın baş verəcək. Tibb elmləri doktoru, virusoloq Anatoli Altşteyn bu fikirdədir.

Onun proqnozuna görə, ölkə beşinci dalğanın pik nöqtəsinə təxminən fevralın birinci yarısında çatacaq və sonra azalacaq:

“Eniş olduqca yavaşdır. Çox güman ki, fevral-mart aylarına qədər davam edəcək. Bundan əlavə, sadəcə olaraq hər şeyin çox kiçik rəqəmlərə keçəcəyinə ümid var".

Yanvarın 29-da Rusiyada gündə koronavirusa yoluxanların sayına görə yeni rekord qeydə alınıb. COVID-19-un qeydiyyatı başlanandan bəri ilk dəfə olaraq 113 min 122 yoluxma halı aşkarlanıb və bu, bütün pandemiya üçün gündəlik maksimumdur. Rusiyada koronavirusdan ölənlərin sayı gündə 668, koronavirus qurbanlarının ümumi sayı 330 min 111 nəfər təşkil edib.//Cebhe.info