Apteklərdə venoz kateterin (göy kəpənək) qiymətində kəskin artım müşahidə olunub.

Valyuta.az xəbər verir ki, bu günə kimi 5-10 qəpiyə satılan göy kəpənəg hazırda apteklərdə 20-50 qəpik arasında satılır. Bundan əlavə apteklərdə göy kəpənəyi tapmaq da çətinləşib. Bu isə alıcıların böyük narazılığına səbəb olub.

Qaynarinfo göy kəpənəyin qiymətinin qalxması ilə bağlı Bakı apteklərinin bir neçəsində sorğu aparıb.

"Elite" apteklər şəbəkəsindən göy kəpənəyin hazırda satışda olduğunu və 10 qəpiyə satıldığı bildirilib.

"Zəfəran" apteklər şəbəkəsindən isə göy kəpənəyin 50 qəpyə satıldığını vurğulayıblar. Satıcılar kəpənəyin qiymətinin belə kəskin qalxmasının səbəbini onun Almaniya istehsalı olduğu ilə əlaqələndiriblər.

"Həyat" apteklər şəbəkəsindən kəpənəyin satışda olduğunu dedilər. Satıcılar kəpənəyin qiymətinin 20 qəpiyə satıldığını bildirsələr də, satışda olan kəpənəyin yaşıl rəngdə olduğunu əlavə ediblər.