“Koronavirusa qarşı vaksinin üçüncü dozasının fərqli olması insan bədəninə müsbət təsir göstərir”.

Valyuta.az Trend.az-a istinadən xəbər verir ki, bunu Milli Məclisin Səhiyyə komitəsinin sədr müavini Rəşad Mahmudov bildirib.

Deputat qeyd edib ki, üçüncü doza vaksinin eyni vaksin olması məcburi deyil:

“Üçüncü doz vaksinləmədə başqa vaksindən istifadə oluna bilərmi? Bu suala gəlincə dünya təcrübəsi onu göstərir ki, başqa vaksinlərdən istifadə etmək qarşılıqlı çarpaz reaksiyalarla immunitetin daha da güclənməsinə kömək edən xüsusiyyətə malikdir. Ona görə də tövsiyə olunur ki, məcburiyyət olmasa da fərqli vaksindən istifadənin gətirə biləcəyi üstünlüklərdən istifadə etmək daha məqbuldur”.