“Koronavirus əleyhinə peyvəndin birinci dozasından sonra mövsümi qripə yoluxan şəxsdə yüksək hərarət yoxdursa və qripin aktiv dönəmində deyilsə ikinci dozanı vurdura bilər”.

Valyuta.az Report.az-a istinadən xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) İnfeksion xəstəliklər üzrə işçi qrupunun həkim-infeksionisti Nəzrin Mustafayeva deyib.

Həkim-infeksionist bildirib ki, mövsümi qrip uzun müddət davam etmir:

“İkinci dozanın vurulması adətən 28 gün ərzində həyata keçirilir. Lakin müəyyən səbəblərdən ikinci dozanı vaxtında vurdura bilməyənlər üçün 56 gün möhlət verilir. Həmin müddət ərzində ikinci dozanın vurdurulması tövsiyə edilir”.