ABŞ-ın “Tesla” və “SpaceX” kimi yüksək texnoloji şirkətlərinin sahibi İlon Mask nağd pula nisbətən, bitkoinin daha cəlbedici sərmayə vasitəsi olduğunu bildirib.

“Reuters” xəbər verir ki, tanınmış ixtiraçı “yalnız axmaq adam kağız pulların getdikcə öz cəlbediciliyini itirdiyi bir dövrdə alternativ sərmayə vasitələri axtarmaz”, - deyə bəyan edib.

Daha sonra milyonçu əlavə edib ki, bitkoin də ən az kağız pul qədər yaxşıdır.

Qeyd edək ki, adıçəkilən kriptovalyutanın yüksəlişi davam edir. Maskın son tvitindən sonra bitkoinin qiyməti 56 000 dollara yüksəlib.