Amerika Birləşmiş Ştatlarının ticarət təmsilçisi xanım Katerine Tai altı ölkənin – Avstriya, Böyük Britaniya, Hindistan, İtaliya, İspaniya və Türkiyənin mallarına vergi tətbiq oluna biləcəyi barədə xəbərdarlıq edib.

Valyuta.az Vergiler.az-a istinadən xəbər verir ki, bu addımın atılmasına səbəb kimi isə həmin ölkələrdə Amerika şirkətlərinin rəqəmsal xidmətlərinə vergi tətbiq edilməsi göstərilir.

ABŞ ticarət təmsilçisi Braziliya, Çex Respublikası, Avropa İttifaqı ölkələri və İndoneziyanı əhatə edən vergi təhqiqatlarının başa çatdığını bildirib: çünki bu ölkələr əvvəlki qiymətləndirmələrinə baxmayaraq rəqəmsal xidmətlərə vergi tətbiq etmirlər. Əgər bu ölkələr də vergi tətbiq etmək yolunu seçərlərsə, vergi təhqiqatına yenidən başlanılması mümkündür.

Amerikanın İtqisadi Əməkdaşlıq və İnkişaf Təşkilatı (OECD) vasitəsilə vergi məsələləri ilə bağlı beynəlxalq razılıq əldə olunması öhdəliyinə sadiq olduğunu bildirən xanım Tai belə bir razılığın əldə olunmasına qədər vergi tətbiqi variantını qiymətləndirəcəklərinin mesajını verib.