“Aqrar Sığorta Müştərək Sığorta Şirkəti” ASC 2020-ci ili 221 min manat zərərlə başa vurub.

Valyuta.az Report.az-a istinadən xəbər verir ki, ötən il şirkətin gəlirləri 6 min manat, xərcləri isə 227 min manat təşkil edib.

Bu il yanvarın 1-nə “Aqrar Sığorta Müştərək Sığorta Şirkəti”nin aktivləri 1,997 milyon manat olub ki, bunun da 31 min manatı onun öhdəliklərinin, 1,967 milyon manatı isə balans kapitalının hesabına formalaşıb.

Xatırladaq ki, “Aqrar Sığorta Müştərək Sığorta Şirkəti” ötən ilin avqust ayında yaradılıb. Onun nizamnamə kapitalı 2 187 500 manatdır. Şirkətin səhmdarları hər biri 14,3% payla 7 yerli sığorta şirkəti - "PAŞA Sığorta", "Qala Sığorta", "Meqa Sığorta", "Azərbaycan Sənaye Sığorta", "Xalq Sığorta", "Azsığorta" və "Bakı Sığorta" ASC-lərdir.

“Aqrar Sığorta Müştərək Sığorta Şirkəti” Aqrar Sığorta Fondunun idarəedici təşkilatıdır. Maliyyə qurumu sığortalılarla müqavilələrin bağlanması, hadisə ilə bağlı müraciətlərinin qəbul edilməsi və sistemin ümumi idarə edilməsini həyata keçirir. Onun təsisçiləri isə aqrar sığorta sistemində vasitəçi kimi fəaliyyət göstərir.