“2005-ci ilin qiymətləri əsasında hesablanan real ÜDM göstəricisinə görə, 2020-ci ildə Azərbaycanın real ÜDM-i 2013-ci il səviyyəsində olub”.

Valyuta.Az xəbər verir ki, bunu iqtisadçı-ekspert Rövşən Ağayev deyib.

Ekspert qeyd edib ki, 2014-cü ilə nisbətən isə 1.7 faiz azdır:

“Ötən dövrdə real ÜDM-nin ən yüksək səviyyəsi 2019-cu ildə qeydə alıb. Həmin ilin ÜDM-i isə 2014-cü ilə nisbətən 2 faiz çox olub. Bu, o deməkdir ki, devalvasiyadan sonrakı 5 ildə Azərbaycanm iqtisadiyyatı real olaraq orta hesabla 0.5 faiz böyüyə bilmişdi. Pandemiya isə 7 illik real böyüməni sıfırladı - 7 il əvvəl iqtisadiyyat harda idisə, həmin nöqtəyə qayıdıb. Piketti "Kapital"da son 300 illik dövrü araşdıraraq bu qənaətə gəlib ki, istənilən ölkənin dayanıqlı iqtisadi inkişafa nail olması üçün uzunmüddətli dövrdə (30-50 il ərzində) ən azı 1 faiz real böyüməsi kifayət edir”.