Azərbaycanda neft-qaz sektorunda əməkhaqqı 3 min 420,5 manat (əvvəlki aya nəzərən 2,8 faiz az*), qeyri-neft-qaz sektorunda isə 633,1 manat (2,8 faiz az) təşkil edib. Bu nominal hesabla götürülən orta aylıq göstəricidir.

Dövlət Statistika Komitəsinin məlumatlarına görə,  dövlət müəssisələrində çalışan işçilərin əməkhaqları 603,4 manat (4,4 faiz az), özəl müəssisələrdə isə 796,3 manat (0,7 faiz az) olub.

Fevral ayının 1-nə olan göstəricilərə əsasən, mədənçıxarma sənayesində fəaliyyət göstərən işçilərin orta aylıq nominal əməkhaqqı 3 min 364,6 manat (3,1 faiz çox) təşkil edib. Rəsmi qeydlərə əsasən, özəl müəssisələrdə bu məbləğ 4 min 438,9 manat (3,4 faiz çox) olduğu halda, dövlət müəssisələrində daha az - 1 619,3 manat (1,2 faiz az) təşkil edib.

İkinci gəlirli sahə isə maliyyə və sığorta fəaliyyəti sektoru olub. Bu sahədə fəaliyyət göstərən şəxslərin orta aylıq gəliri 1 597,2 manat (7,1 faiz az) təşkil edib. Dövlət işində əməkhaqqı 1628,4 manat (5,5 faiz az), özəl müəssisələrdə isə 1 588,8 manat (7,6 faiz az) olub.

Növbəti gəlirli sahə isə informasiya və rabitə sahəsidir. Bu sahədə çalışanların orta aylıq nominal gəliri 1 073,7 manatdır (0,2 faiz az). Dövlət müəssisələrində orta aylıq nominal gəlir 842,2 manat (1,6 faiz çox) olduğu halda özəl müəssisələrdə əməkhaqqı 1 343,1 manat (1,6 faiz az) olub.

Digər gəlirli sektor peşə, elmi və texniki fəaliyyət sahəsi olub. Burada fəaliyyət göstərənlərin orta hesabla aylıq nominal gəliri 1 011,1 manat (14,9 faiz az) olub. Özəl sektorda çalışanlar 1 618,8 manat (14,3 faiz az) gəlir əldə edərkən, dövlət sektorunda çalışanlar isə orta hesabla 2,7 dəfə az - 589,4 manat (15,3 faiz az) gəlir əldə edib.

Dövlət idarəetməsi və müdafiə, sosial təminat sahəsində orta aylıq əməkhaqqı 865,8 manat (9,5 faiz az) olub. Dövlət müəssisələrində əməkhaqqı özəl sektora nisbətən üç dəfə çox, yəni, 895,3 manat (9,6 faiz az) ikən, özəl sektorda 312,5 manat (0,4 faiz az) təşkil edib.

Eləcə də, turistlərin yerləşdirilməsi və ictimai iaşə sektorunda fəaliyyət göstərənlər orta hesabla 553 manat (3,2 faiz çox) əməkhaqqı alıb. Dövlət sektorunda maaş özəl sektora nisbətən iki dəfədən çox, yəni, 1 169,6 manat (2,1 faiz çox) təşkil etdiyi halda, özəl müəssisələrdə 529,5 manat (3,2 faiz çox) təşkil edib.

Digər sektorlarda çalışan şəxslərin orta aylıq nominal əməkhaqqı aşağıdakı kimi təsnif olunub: