Koronavirus (COVİD-19) pandemiyası ilə əlaqədar ötən ildən başlayaraq turizm sektorunun əsas elementlərindən biri olan restoranların fəaliyyətində yaranmış tənəzzül hələ də davam edir. 

Valyuta.az Dövlət Statistika Komitəsinə istinadən xəbər verir ki, 2021-ci ilin yanvar-fevral aylarında ictimai iaşə dövriyyəsi 78,1 milyon manat olub. Bu, 2020-ci ilin eyni dövrü ilə müqayisədə 2,9 dəfə azdır. Ötən ilin ilk 2 ayında  bu rəqəm  223 milyon manat təşkil edib.                     

İctimai iaşə dövriyyəsi

Yanvar-fevral aylarında özəl sektorda ictimai iaşə dövriyyəsinin 40,7%-i hüquqi şəxslərin, 59,3%-i isə bu sahədə sahibkarlıq fəaliyyəti ilə məşğul olan fiziki şəxslərin payına düşüb. 
Hüquqi şəxslər üzrə dövriyyə 2020-ci ilin yanvar-fevral aylari ilə müqayisədə 2,8 dəfə azalaraq 31,4 milyon manat olub.