2021-ci ilin yanvar-fevral aylarında əczaçılıq məhsulları və tibbi ləvazimatların alınmasına sərf olunan vəsaitlərin həcmi məlum olub. 

Dövlət Statistika Komitəsindən Valyuta.az-a daxil olan məlumata görə, istehlakçılar tərəfindən 138,4 milyon manat vəsait sərf olunub.

Bu da onu göstərir ki, əvvəlki ilin analoji dövrü ilə müqayisədə qeyd edilən sahəyə 51% və ya 47,1 mln. manat artıq xərc çəkilib. 

Qeyd edək ki, əczaçılıq məhsulları və tibbi ləvazimatların alınmasına sərf olunan vəsait alıcıların son istehlak məqsədilə aldıqları mallara xərclədiyi vəsaitin 2,3 faizi həcmindədir.