Cari ilin yanvar ayı ərzində ölkəmizin sektorlar üzrə ixrac əməliyyatlarında əsaslı azalma müşahidə edilib.

Valyuta.az Dövlət Gömrük Komitəsinin açıqladığı hesabata istinadən xəbər verir ki, dövlət sektoru üzrə idxal əməliyyatları 67 mln. 59 min ABŞ dolları təşkil edib. Halbuki, bu gəlirlər ötən ilin analoji dövründə 79 mln. 62 min ABŞ dolları həcmində olub. Bu da onu göstərir ki, bir il ərzində 12 mln. 2 min həcmində və ya 15,2 faiz azalma müşahidə olunub. 

Özəl sektora aid idxal əməliyyatlarında isə artım müşahidə olunub. Əgər cari ildə 644 mln. 696 min ABŞ dolları həcmində əməliyyat aparılıbsa, ötən dövrdə isə rəqəm 555 mln.  278 min ABŞ dolları həcmində olub ki, bu da 89 mln.418 min ABŞ dolları və ya 16.1  faiz həcmində artım deməkdir. 

Bu il fiziki şəxslər tərəfindən 72 milyon 745 min ABŞ dolları həcmində idxal əməliyyatları həyata keçirilib. Halbuki, ötən il bu rəqəm 86 mln. 571 min ABŞ dolları həcmində olub. Bu da onu göstərir ki, bir il ərzində əməliyyatlarda 10 milyon 826 min ABŞ dolları və ya 12.5 faiz həcmində əsaslı azalmalar baş verib.

Rövşən Ziya