Gəmidə tomat pastası və qarışıq məhsullar daşınır

Qazaxıstanın “Kazmortransflot” Milli Dəniz Gəmiçiliyi şirkətinə məxsus "Barys" konteyner gəmisi Transxəzər Beynəlxalq Nəqliyyat Marşrutu çərçivəsində Aktau-Bakı marşrutu ilə ilk səyahətini reallaşdırıb. 

"Bakı Beynəlxalq Dəniz Ticarət Limanı" QSC-dən Valyuta.az-a verilən məlumata görə, hazırda, bu gün səhər saatlarında Bakı Limanına çatan gəmindən konteynerlərin sürətli şəkildə aşırılması işi həyata keçirilir.

Bu gəmi vasitəsi ilə ilk səfər çərçivəsində 125 konteyner daşınıb. Bunlardan 123-ü ölkəmizdən tranzit keçməklə dəmir yolları ilə Türkiyə və İtaliyaya daşınacaq, 2 konteyner isə idxal üçün nəzərdə tutulub. Bu konteynerlərin 85 ədədində tomat pastası, digərlərində isə qarışıq məhsullar daşınır.