Ölkə ərazisində fəaliyyət göstərən 542 süni balıq gölündə monitorinqlər aparılıb. 

Valyuta.az xəbər verir ki, bu barədə Əmlak Məsələləri Dövlət Xidməti yanında Torpaqların Dövlət İdarəetməsinin Təşkili üzrə Dövlət Agentliyinin direktor müavini Şamil Abdullayev açıqlama verib. 

Agentlik rəsmisi bildirib ki, monitorinqlər nəticəsində torpaq qanunvericiliyinin tələblərinin pozulması halları aşkar olunub. 121 gölün fəaliyyəti dayandırılıb: “Kənd təsərrüfatı təyinatlı torpaq sahələrində, o cümlədən dövlət fondu qış otlaq sahələrində qeyri-qanuni yaradılan 344 göl istifadəçiləri barədə inzibati tənbehvermə haqqında qərarlar qəbul edilib, 189 min 390 manat məbləğində inzibati cərimə tətbiq edilib. 28 göllə bağlı materiallar tədbir görülməsi məqsədilə müvafiq orqanlara göndərilib”.

Ş.Abdullayev qeyd edib ki, fəaliyyəti dayandırılan süni balıq göllərinin yerləşdiyi torpaq sahələrinin rekultivasiyasına dair işçi layihələrinin hazırlanması nəzərdə tutulur.

Zeynəb Vəkil
Valyuta.az