“Yelo” Bank yeni mobil əlavəsini istifadəyə verib.

Valyuta.az-ın verdiyi xəbərə görə, bu mobil əlavədə hesablarınızı izləyə, ödənişlər edə, eləcə də, kartdan karta, mobil nömrə üzərindən və digər üsullarla pul köçürmələri edə bilərsiniz. Statistika bölməsində isə istədiyiniz vaxt aralığı və Yelo kartınız üzrə xərc və gəlirlərinizə nəzarət etmək mümkündür.

Bundan əlavə, 400-dən çox partnyoru özündə birləşdirən “Yelo” Cashback proqramı üzrə təkliflər, aktiv kampaniyalar və hər ödənişinizdən qazandığınız 30%-dək cashback məbləği haqqında məlumat əldə etmək imkanı var.

Əlavədən istifadə etmək üçün “Yelo” müştərisi olmaq şərt deyil, amma müştərisi olaraq əlavənin bütün üstünlüklərindən tam yararlana bilərsiniz. 

Mobil əlavəni Google Play Market-dən (Android) və ya App Store-dan (IOS) yükləmək mümkündür.