Hər iki ölkə dünyanın rəqəmsal infrastrukturuna sahib olmaq istəyir

Çin Avropada yerləşəcək yeni “Sülh kabeli” adlı layihəsini irəli sürüb.

Valyuta.az blomberg.com-a istinadən xəbər verir ki, bu ilin sonunda Fransanın Marsel limanı yaxınlığında dənizaltı kabel xətti çəkilişi üçün stansiya yaradılacaq. "Sülh" adı ilə tanınan bu kabel xətti, Çindən Pakistana qədər uzanacaq və Fransadakı stansiyaya çatdıqdan sonra Afrika qitəsi  istiqamətində təxminən, 12 min kilometrdən artıq məsafədə okean dibi boyunca irəliləyəcək. 

Qeyd olunur ki, Çin şirkətləri tərəfindən inşa edilən “Sülh kabeli”, 90.000 saatlıq Netflix izlənməsi üçün 1 saniyə müddətində kifayət qədər məlumat ötürə biləcək. Ümumilikdə isə Avropada və Afrikada işləyən Çin şirkətləri üçün daha sürətli xidmət göstərilməsini təmin edəcək. 

Marsel limanındakı kabel xətti stansiyasını idarə edəcək Fransanın “Orange SA” telefon şirkətinin beynəlxalq şəbəkələr departamentinin rəhbəri Jean-Luc Vuillemin məlumatı şərh edib və "Bu, Çindən Avropaya və Afrikaya doğru istiqamətlənən bir güc proyekti planıdır" - deyə qeyd edib.

Mütəxəssislərin fikrincə, Çinin bu layihəsi texnologiya sahəsində ABŞ-la olan mübarəzisəni daha da dərinləşdirəcək.

Kamran Xəlilov