Kommersiya banklarının iqtisadiyyata kredit qoyuluşları ötən ilin əvvəli ilə müqayisədə azalıb.

Valyuta.az xəbər verir ki, 2021-ci ilin yanvar ayında kreditlərin ümumi məbləği 14 587.2 milyon manat təşkil edib.

Mərkəzi Bankın statistikasına əsasən, bu göstərici ötən ilin ilk ayı ilə müqayisədə 926.4 milyon manat azdır. 2020-ci ilin yanvarında kreditlərin ümumi həcmi 15 513.6 milyon manat olub. 

Yanvarda iqtisadiyyata yönəldilən kreditlərin 11 424.4 milyon manatı və ya 78,3%-i özəl bankların payına düşüb. Dövlət bankları iqtisadi subyektlərə cəmi 2 789.4 milyon manat həcmində kredit verib. Bu da ümumi kreditlərin 19,1%-ni təşkil edib. Qeyri-bank kredit təşkilatlarının payı ilə 373.4 milyon manat və ya 2,6% olub. 

Kreditlərin  93.6%-i və ya12 808.6 milyon manatı özəl sektora yönəldilib. Dövlət sektoruna ayrılan kreditlər isə cəmi vəsaitlərin 6.4%-ni və ya   878.2 milyon manatı təşkil edib.