2015-ci il buraxılışlı "Hyundai Genesis Coupe" idman avtomobilləri arasında ən etibarlı olaraq təsbit edilib. 

Valyuta.az bu barədə "HotCars" portalına istinadən xəbər verir. 

Portalın ekspertləri "J.D. Power" və "RepairPal" daxil olmaqla müxtəlif analitik şirkətlərin məlumatlarından istifadə edərək etibarlılıq, texniki qulluq, geri çağırma kampaniyaları və malik rəyləri barədə məlumatları təhlil ediblər. "J.D. Power" ekspertləri onun etibarlılığını mümkün olan 100 balldan 80 bal ilə qiymətləndiriblər.

İkinci yeri 100 balldan 86 etibarlılıq qiyməti ilə 2016-cı il buraxılışlı "Dodge Challenger" tutub. Üçlük liderləri 2019-cu il modeli olan və etibarlılıq reytinqi 100-dən 86 olan "Mazda MX-5 Miata" bağlayıb.

Bunları 2019-cu il "Ford Mustang", 2013-cü il "Infiniti G37 Coupe", 2010-cu il "Chevrolet Camaro", 2025-ci il "Lexus LC 500", 2021-ci il "Porsche 718 Boxster", 2022-ci il "Chevrolet Corvette Stingray" və 2015-ci il "Porsche 911" izləyir.

Paşa Məmmədli