İndi uyğun iş tapmaq istəyən gənclərdən  təkcə diplom tələb edilmir. Bakalavr, magistr diplomu ilə yanaşı, sosial bacarıqları göstərən sertifikatlar, kompüter bacarıqları, dil bilikləri də burada rol oynayır. Ölkədə elə peşələr var ki, orada dil bilikləri o qədər də əhəmiyyət kəsb etmir. Ağır fiziki əmək tələb edən peşələrdə dil biliyinə nisbətən az ehtiyac duyulur. 

Valyuta.az xəbər verir ki, iqtisadçı ekspert Elmir Səftərli Modern.az-a bildirib ki, hər bir müəssisədə peşə və vəzifə öhdəliklərinə uyğun olaraq müəyyən əməkhaqqı sistemi müəyyən edilir. Elə peşələr var ki, orada dil bilikləri ilk sıralarda gəlir. Müəyyən işlər üzrə dil bacarığı əsas məsələ hesab edilir. 

Ekspertin fikirlərinə əsasən, dil bacarığı yüksək olan şəxsin maaşı da digərlərindən fərqlənməlidir. Hətta son vaxtlar ölkədə hökm sürən tendensiyada görülür ki, işəgötürənlər işçidən vəzifə öhdəliyindən öncə, dil biliyi tələb edir. 

“Ortalama olaraq, müəssisələrin maaşları təyinetmə çərçivəsində təyin etdikləri halda, həmin maaşı dil qabiliyyətinə görə üstünlük sayılırsa, bu da şəxsin əməkhaqqı sisteminə artım olaraq təsir etməlidir( bu məcburiyyətdir)” - deyə ekspert söyləyib. 

Elmir Səftərli vurğulayıb ki, bəzi hallarda dil bilmək üstünlük hesab edilirsə, vətəndaşın maaşına təsir etməyə də bilər.