“Azərbaycan Nəşriyyatı" icarə qurumu deyil. Neçə müddətdir ki, media orqanları burada yerləşir. Onlara müqavilə əsasında xidmət göstəririk – işıq, su, istiliklə təmin edirik”.

Valyuta.az xəbər verir ki, bunu “Azərbaycan Nəşriyyatı” MMC-nin baş direktoru Leyla Güləliyeva “Teleqraf” İnformasiya Agentliyinə müsahibəsində bildirib.

Qeyd edib ki, ödənilən rüsum çox kiçikdir və xərclərin yarısını belə qarşılamır: “Əgər başqa bir qurum olsaydı, bu məbləği icarə haqqı kimi müzakirə edə bilərdik. Amma biz mediaya xüsusi diqqət yetirir, onun fəaliyyətinə dəstək olmağa çalışırıq”.