Dünyanın ən incə oyun noutbuku “Razer Blade 14 (2025)” tanıdılıb.

Valyuta.az xəbər verir ki, oyun avadanlıqları sahəsində tanınan “Razer” şirkəti dünyanın ən incə oyun noutbuku olan “Razer Blade 14 (2025)” modelini təqdim edib. AMD prosessorla təchiz edilən bu noutbuk həm texniki göstəriciləri, həm də qiyməti ilə diqqət çəkib.

Cəmi 15.7 mm qalınlıqda və 1.63 kq çəkidə olan bu noutbuk 14 düymlük 3K ekran, 120 Hz yenilənmə tezliyi və 0.2 ms reaksiyavermə sürətinə malikdir.

Cihaz 5.0 GHz tezlikli AMD Ryzen AI 9 prosessoru və süni intellekt funksiyaları – “Copilot+”, “Recall”, “Cocreate” və “Live Captions” ilə təchiz olunub. Qrafik kart seçimləri isə RTX 5060 və ya RTX 5070-dir.

Noutbukun batareyası 11 saata qədər işləyir. Wi-Fi 7 və Bluetooth 5.4 dəstəkləyir.

Yeni noutbuk üçün təyin olunmuş qiymətlər isə belədir: 16 GB RAM, 1 TB SSD, RTX 5060 – 2.299 dollar, 64 GB RAM, 2 TB SSD, RTX 5070 – 2.999 dollar

Sərvanə Rəmixanova