“Aztimont” Açıq Səhmdar Cəmiyyəti (ASC) Şirvan şəhərində yolları əsaslı təmir edəcək.

Valyuta.az xəbər verir ki, şirkət bununla bağlı Şirvan Şəhər İcra Hakimiyyəti Başçısının 1 nömrəli sahə inzibati ərazi dairəsi üzrə Nümayəndəliyinin keçirdiyi tenderin qalibi seçilib. 

Yolların əsaslı təmiri üçün şirkətə  717 600,32 manat ödəniləcək. 

Maraqlıdır ki, Şirvanda yol təmiri ilə bağlı keçirilən tenderlərdə əsasən “Aztimont” ASC qalib seçilir. 

"Aztimont” ASC 20 iyul 2005-ci ildə qeydiyyata alınıb. Nizamnamə kapitalı 50 432 manat olan şirkətin hüquqi ünvanı Sabirabad rayonu Qalağayn kəndində yerləşir. ASC-nin qanuni təmsilçisi Şirinov Əliheybət Balakişi oğludur. 

"Aztimont” ASC 2011-ci ilə qədər "Sabirabad Tikinti-23” ASC adı altında fəaliyyət göstərib. Daha sonra ASC-nin adı dəyişdirilib və şirkət 2021-ci ilə qədər "Azərtikinti-Quraşdırma-Servis-23” ASC adlanıb. 2021-ci ildən isə "Aztimont”a çevrilib.

Hüseyn