“Azərbaycan Dəmir Yolları” QSC-nin (ADY) nizamnamə kapitalı 2,2 dəfə artırılaraq 906 milyon 61 min 960 manatdan 1 milyard 996 milyon 77 min 950 manata çatdırılıb.

Valyuta.az xəbər verir ki, ADY Prezident İlham Əliyevin 20 iyul 2009-cu il tarixli sərəncamı ilə yaradılıb, 2010-cu ildə Nazirlər Kabinetinin qərarı ilə qurumun nizamnaməsi və strukturu təsdiq edilib.

Bu il fevralın 25-də Prezidentin imzaladığı fərmanla ADY “Bakı Beynəlxalq Dəniz Ticarət Limanı” QSC-ni öz tərkibinə qataraq yenidən təşkil olunub. Məqsəd nəqliyyat və logistika əməliyyatlarının səmərəliliyini artırmaq və dəniz nəqliyyatı ehtiyaclarını daha effektiv şəkildə qarşılamaqdır.