Beynəlxalq Valyuta Fondu (IMF) 2025-ci ildə Azərbaycanda işsizliyin azalacağını gözləyir.

Valyuta.az xəbər verir ki, qurumun proqnozuna görə, bu göstərici 2024-cü ildəki 5,4 %-dən 2025-ci ildə 5,3 %-ə enəcək. 2026-cı ildə isə işsizlik səviyyəsinin 5,3 % həddində sabit qalacağı bildirilir.

Azərbaycan Dövlət Statistika Komitəsinin məlumatına əsasən, 2025-ci il martın 1-nə olan vəziyyətə görə ölkə üzrə muzdla çalışan işçilərin sayı 1 milyon 758,8 min nəfər təşkil edib. Onlardan 878,5 min nəfəri dövlət sektorunda, 880,3 min nəfəri isə qeyri-dövlət sektorunda çalışır.

Muzdla işləyənlərin 18,7 %-i təhsil sahəsində, 18,6 %-i ticarət və nəqliyyat vasitələrinin təmiri sahəsində, 13,7 %-i sənayedə, 8,5 %-i isə səhiyyə və sosial xidmətlər sahəsində fəaliyyət göstərir.