Türkiyəli media nümayəndələri, blogerlər və turizm nümayəndələri üçün tanışlıq səfərləri təşkil olunacaq.

Valyuta.az xəbər verir ki, bu məqsədlə Dövlət Turizm Agentliyi tərəfindən işgüzar tədbirlərin təşkili planlaşdırılır.

Bu xidmətlərin satın alınması üçün ehtimal olunan məbləğ 444.926 manat  olaraq müəyyən edilib.

Türkiyəli qonaqlar üçün sosial və sahə turları təşkil olunacaq, həmçinin müxtəlif işgüzar görüşlər və tədbirlər keçiriləcək.

Tanışlıq səfərləri zamanı qonaqlara Azərbaycanın turistik məkanları, tarixi və mədəni irsi, qonaqpərvərliyi, eləcə də turizm infrastrukturu təqdim ediləcək.

Maya Hüseynova