Ötən gün Binəqədi rayonunda marketlərdən birinin anbarında yanğın baş verdi. Yanğın nəticəsində yaxınlıqda olan avtomobillərə də ziyan dəyib. 

Bəs həmin avtomobillərə dəyən ziyanı kim ödəməlidir?

Valyuta.az xəbər verir ki, məsələ ilə bağlı Milli.Az-a zərərçəkmiş şəxslər bildiriblər ki, hələ ki heç kim əlaqə saxlamır bizimlə. Biz özümüz sığorta şirkətinə müraciət edirik bizə bildirirlər ki, onlar baxmır bu problemə. 

Sözügedən obyektin sahibi isə bildirdi ki, hazırda araşdırma aparılır. Araşdırmalardan sonra dəymiş zərərlə bağlı danışmaq olar. 

Belə vəziyyətdə avtmobil sahiblərinə dəyən ziyan necə qarşılanmalıdır? 

Sığorta mütəxəssizi Emil Ağabağırov bildirir ki, kasko sığortası olan şəxslərə dəyən zərər sığorta şirkəti tərəfindən ödənilə bilər. Bundan başqa baş verən obyektin daşınmaz əmlakın istimarı ilə bağlı mülki məsuliyyətin icbari sığortası olduğu halda avtomobillərə dəyən zərər qarşılana bilər. 

"Daşınmaz əmlakın istismarı ilə bağlı sığorta növü həm əmlaka, həm də ətrafda olan şəxslər xəsarət alarsa, bu zaman sığorta növü üzrə onların hər birinə ödəniş düşür. Ümumi təminat 100 min verilir".