Ağdam şəhərinin 5-ci yaşayış massivində genişmiqyaslı tikinti işləri aparılacaq. 

Valyuta.az xəbər verir ki, müasir şəhərsalma prinsiplərinə uyğun olaraq bir neçə məhəllədə çoxmənzilli binaların tikintisi planlaşdırılıb. 

Bu layihələrin ümumi maliyyə həcmi 48 milyon 465 min 267 manat təşkil edir. 

Tikinti işləri aşağıdakı məhəllələri əhatə edir:

O-128 məhəlləsi – bu ərazidə inşa olunacaq binalar üçün 11 milyon 51 min 927 manat həcmində maliyyə çərçivəsi müəyyən edilib. 

O-120 məhəlləsi – burada aparılacaq inşaat işləri üzrə ümumi dəyər 17 milyon 328 min 548 manat təşkil edir. 

O-122 məhəlləsi – bu ərazidəki yeni binaların inşası üçün 10 milyon 37 min 878 manat məbləğində resurs ayrılıb.

O-140 məhəlləsi – burada nəzərdə tutulan tikinti işlərinin dəyəri 10 milyon 46 min 914 manat olaraq qiymətləndirilib. 

Bu layihələr Ağdamın yeni yaşayış sahələrinin yaradılması və şəhərin müasir infrastruktura qovuşması məqsədi daşıyır. 

Maya Hüseynova