Dünya İqtisadi Forumu (WEF) bu gün yaydığı bəyanatda İdarə Heyətinin sədri və forumun qurucusu Klaus Şvabın (Klaus Schwab) vəzifəsindən istefa verdiyini açıqlayıb.

Valyuta.Az xəbər verir ki, WEF-in qayda və nizamnamələrinə əsasən, idarə heyəti yekdilliklə sədr müavini Peter Brabek-Lemanşeni (Peter Brabeck-Letmathe) müvəqqəti sədr vəzifəsinə təyin etdiyini ictimaiyyətə elan edib.

İdarə heyəti gələcək sədrin seçilməsi üçün axtarış komitəsinin yaradıldığını bildirərək, qurucu və sədr Klaus Şvaba 55 il ərzində foruma fasiləsiz rəhbərlik etdiyi üçün minnətdarlığını ifadə edib.

Klaus Şvab kimdir?

Klaus Şvab 1938-ci il martın 30-da Almaniyanın Ravensburq şəhərində anadan olub. Maşın mühəndisi, iqtisadçı və yazıçı olan Şvab, 1971-ci ildə Avropa idarəetmə forumunu təsis edib. 1987-ci ildə isə bu forumun adı Dünya iqtisadi forumu olaraq dəyişdirilib. Klaus Şvab forumun qurulduğu gündən bu günə qədər idarə heyətinin sədri vəzifəsində çalışıb.

Aydın