ABŞ Prezidenti Donald Tramp cümə axşamı verdiyi açıqlamada, Çinlə ticarət razılaşmasının əldə olunacağını bildirib. 

Valyuta.az xəbər verir ki, Donald Tramp Ağ Evdə keçirilən mətbuat konfransında jurnalistin Çin Prezidenti Si Tszinpinə zəng edib-etməyəcəyi ilə bağlı sualına cavab olaraq bildirib. "Düşünürəm ki, Çinlə çox yaxşı bir razılaşma əldə edəcəyik", – deyə o əlavə edib.

Eyni gün Çin Ticarət Nazirliyi ABŞ-ı “həddindən artıq təzyiq göstərməkdən” çəkinməyə çağırıb və hər hansı ticarət danışıqlarında qarşılıqlı hörmətin vacibliyini vurğulayıb. Bununla belə, iki ölkə arasında danışıqlara kimin başlayacağı məsələsində hələ də fikir ayrılığı qalmaqdadır.

Qeyd edək ki, Tramp son dövrlərdə bir çox ticarət tərəfdaşına qarşı tətbiq etdiyi yüksək tarifləri müvəqqəti olaraq yumşaltsa da, Çin mallarına qarşı tətbiq olunan və ümumilikdə 145% təşkil edən idxal rüsumlarını qüvvədə saxlayıb.

Sərvanə Rəmixanova