Bakı Şəhər Heyvanat Parkının yenilənməsinə başlanılacaq.

Valyuta.az xəbər verir ki, Heyvanat Parkındakı volyerlərin təmiri və yenilənməsi, turniketlərin tros tor örtüklərlə əhatələnməsi və heyvan rəsmləri ilə rəssam tərəfindən şəkillənməsi ilə bağlı elan olunan tenderin qalibi bəlli olub. 

Belə ki, Bakı Şəhər Heyvanat Parkının elan etdiyi tenderin qalibi “Lokal Group” MMC olub.

Məlumata görə, adı çəkilən müqavilə üçün ilkin ehtimal olunan qiymət 122 min 127 manat olsa da tərəfdaşlar arasında son qiymət 119 min 572 manat təyin olunub.

Qeyd edək ki, qalib şirkət “Lokal Group” MMC 2012-ci ildə dövlət qeydiyyatına alınıb. 10 manat nizamnamə kapitalı ilə yaradılan bu şirkətin qanuni təmsilçisi Səlimov Səlim Əmirxan oğludur. 

Sərvanə Rəmixanova