“Azərbaycan Beynəlxalq Bankı” ASC 2025-ci ilin I rübü üçün maliyyə nəticələrini açıqlayıb.

Valyuta.Az xəbər verir ki, hesabat dövrünün sonunda bankın vaxtı keçmiş kreditlərinin həcmi 307 mln. 515.56 min manat təşkil edib. 

Bu isə ötən ilin müvafiq dövrü ilə müqayisədə 48.62% daha çoxdu. 

Qeyd edək ki, 2024-cü ilin I rübünün sonuna bankın vaxtı keçmiş kreditlərinin həcmi 206 mln. 929.59 min manat olub. 

Həmçinin bankın vaxtı keçmiş kreditlərinin həcmi onun 6 milyard 468 milyon 907.74 min manatlıq ümumi kredit portfelinin 4.75%-ni təşkil edib. 

Qeyri-qənaətbəxş kreditlər kredit portfelinin 20 %-ni təşkil edib. Belə ki, hesabat dövrünün sonuna qeyri-qənətbəxş kreditlərin həcmi əvvəlki ilin eyni dövrü ilə müqayisədə təxminən 260 milyon manat artaraq 1 mlrd. 302 mln. 127.73 min manat təşkil edib.

Onun da 30 mln. 791.59 min manatını təhlükəli, 181 mln. 228.46 min manatını isə ümidsiz kreditlər təşkil edib.

Xatırladaq ki, ötən ilin müvafiq dövründə bankın qeyri-qənaətbəxş kreditlərinin həcmi 1 mlrd. 43 mln. 529.68 min manat təşkil edib.

Rəhim