“Regional Su Meliorasiya Xidmətinin elan etdiyi tenderin qalibi bəlli olub. 

Valyuta.az xəbər verir ki, bu tenderin qalibi "Caspian Equipment Company" olub.

Belə ki, şirkətlər arasında bağlanan müqavilə maşın və mexanizmlər üçün təkərlərin satın alınması ilə bağlıdır. 

Məlumatda qeyd edilir ki, bu tender üzrə əvvəl ehtimal olunan qiymət 3 milyon 473 min 708 manat olub. Lakin tərəfdaşlar 1 milyon 673 min 864 manata müqavilə bağlayıblar.

Məlumata görə, qalib şirkət "Caspian Equipment Company" 2019 ildən fəaliyyət göstərir. Şirkətin əsas funksiyası avtomobillər üçün hissələrin, qovşaqların və ləvazimatların topdan satışını həyata keçirməkdir.

Qeyd edək ki, qalib şirkətin nizamnamə kapitalı 200 000 manatdır. Qanuni təmsilçisi Bağırov Kamal İlham oğlu olan bu şirkət 2022-ci ildən Açıq Səhmdar Cəmiyyət (ASC) kimi fəaliyyətini davam etdirir. 

Sərvanə Rəmixanova