Ağdam rayonun Quzanlı qəsəbəsi daş evlər adlanan ərazisində olan fərdi yaşayış evləri əsaslı təmir ediləcək.

Valyuta.az xəbər verir ki, bu barədə Ağdam Rayon İcra Hakimiyyəti tender elan edib. 

Məlumata görə, adı çəkilən ərazidə fərdi yaşayış evlərinin əsaslı təmiri üçün 205 min manat ayrılıb. Elan olunan tender may ayının 8-nə kimi davam edəcək.

Xatırladaq ki, aprel ayının 14-də Ağdam Rayon İcra Hakimiyyəti Ağdam rayonu Quzanlı qəsəbəsi ilə bağlı bir tender də elan etmişdi.

Bu tender Ağdam rayon Quzanlı qəsəbəsi H. Əliyev Prospektində yolun əsaslı təmiri işləri ilə bağlı elan olunan layihə idi.

Nəzərə çatdıraq ki, bu tender üzrə ehtimal olunan qiymət 299 min 925 manat hesablanıb və tender üçün təyin olunan son tarix may ayının 5-i qeyd olunub.

Qeyd edək ki, Ağdam Rayon İcra Hakimiyyətinin başçısı Həsənov Vaqif Bəhram oğludur. O, Azərbaycan Respublikası Prezidentinin 28 avqust 2018-ci il tarixli Sərəncamı ilə Ağdam Rayon İcra Hakimiyyətinin başçısı təyin edilib.

Sərvanə Rəmixanova