Türkiyə Statistika Təşkilatının (TÜİK) məlumatına görə, bu ilin mart ayında əcnəbilərə 1 574 mənzil satılıb.

Valyuta.az xəbər verir ki, mart ayında Azərbaycan vətəndaşları Türkiyədə 66 mənzil  əldə edib və ən çox mənzil alan 10 ölkə arasında 6-cü sırada qərarlaşıb. Halbuki bu ilin fevral ayında Azərbaycan vətəndaşları 87 mənzil ilə 4-cü sırada idi.

Qeyd edək ki, bu göstərici yanvar ayında 50, ötən ilin dekabrında isə 110 olub. 

Martda əcnəbilər arasında Türkiyədə ən çox mənzil alanlar Rusiya vətəndaşları olub – 275 mənzil. Onları 153 mənzillə İran, 124 mənzillə Ukrayna vətəndaşları izləyib.

Əcnəbilərə mənzil satışının ən yüksək olduğu şəhərlər sırasına isə İstanbul (635 mənzil), Antalya (496 mənzil) və Mersin (141 mənzil) daxil olub.