Süni intellekt sahəsindəki sürətli inkişaf nəticəsində hər gün daha güclü və funksional modellər təqdim olunur. "OpenAI", "Google", "Meta", "Anthropic", "DeepSeek", "xAI", "Mistral" və "Alibaba" kimi texnologiya nəhəngləri öz modelləri ilə bazarda liderlik uğrunda rəqabət aparırlar. Bu modellər mətn emalından video generasiyasına, kod yazmadan real zamanlı məlumat analizinə qədər çoxşaxəli imkanlar təklif edir. Yeni nəsil süni intellekt sistemləri daha güclü məntiqi düşünmə, multimodal emal və aşağı maliyyətli performans ilə seçilir. 

Valyuta.az şirkətlərin ən populyar süni intellekt modellərini və onların əsas xüsusiyyətlərini təqdim edir.

OpenAI

GPT-4.5 modeli daha geniş dünya biliyi və emosional intellektə malikdir, lakin məntiqi düşünmə baxımından bəzi rəqiblərdən geri qalır. Şirkət yaxın aylarda daha inkişaf etmiş GPT-5 modelini təqdim etməyi planlaşdırır.
GPT-4o sürətli, güclü və multimodal xüsusiyyətləri ilə (mətn, səs, görüntü) seçilir.
o3-mini modeli fərqli səviyyələrdə məntiqi düşünmə rejimlərini dəstəkləyir.
Sora — mətndən video yaratma modelidir, "Remix" və "Storyboard" kimi yaradıcı funksiyalar təklif edir.
Operator — gündəlik tapşırıqları yerinə yetirən agent tipli alətdir.

DeepSeek

DeepSeek V3 — riyaziyyat, kodlama və uzun mətn emalında güclüdür.
DeepSeek R1 — aşağı maliyyətli, məntiqi testlərdə yüksək nəticələr göstərir.
Janus-Pro-7B — DALL·E 3 və Stable Diffusion ilə rəqabət aparan görüntü generasiya modelidir.

Anthropic

Claude 3.7 Sonnet — hüquq, maliyyə və proqramlaşdırma sahələrində üstün performans göstərir.
Claude Code — komanda səviyyəsində kod yazma, test etmə və GitHub inteqrasiyasını dəstəkləyir.
Claude Artifacts — real zamanlı vizual düzəliş imkanları təqdim edir.

xAI

Grok 3 — X (keçmiş Twitter) platformasına inteqrasiya olunmuş real zamanlı məlumat analizinə malik modeldir.
Grok Reasoning — OpenAI modellərini bəzi göstəricilərdə geridə qoyur, "deep search" funksiyası ilə geniş məlumat toplama imkanı verir.

Google

Gemini 2.5 — kodlama, riyaziyyat və elmi analiz sahələrində güclüdür, 1 milyon tokenlik kontekstə malikdir.
Gemini Code Assist — proqramçılar üçün kod yazma və düzəlişdə dəstək göstərir.
Veo 2 — Sora ilə rəqabət aparan video generasiya modelidir.
Gemma 3 — fərdi cihazlarda işləyə bilən yüngül model ailəsidir.
Gemini Flash 2.0 — vizual redaktə və sürətli mətn generasiyası funksiyalarına malikdir.

Mistral

Mistral Small 3 — GPT-4o-mini-yə alternativ olaraq sürətli və effektivdir.
Pixtral Large — metin və vizual emalda yüksək performans göstərir.
Mistral Large 24.11 — çoxdilli dəstək və kodlama imkanları ilə seçilir.
Le Chat — mətn və səs komandaları ilə idarə olunan interaktiv platformadır.

Meta

Llama 4 — MoE arxitekturası ilə yüksək məhsuldarlıq və cavab çevikliyi təklif edir.
Llama 3.3 və 3.2 — mətn və vizual əsaslı tapşırıqlarda güclü, uzun kontekst emalına malikdir.

Alibaba

QVQ-32B və QVQ-72B-Preview — vizual əsaslı məntiqi modellərdir.
Qwen2.5-Max — kodlama və söhbət əsaslı tapşırıqlar üçün nəzərdə tutulub, geniş tətbiq sahələrini əhatə edir.

Sərvanə Rəmixanova / Valyuta.Az / SƏHƏR OXUSU