2025-ci ilin yanvar ayında Azərbaycana toplam dəyəri 26 milyon 17.75 min ABŞ dolları olan 107 675 ədəd smartfon idxal olunub. 

Valyuta.Az xəbər verir ki, idxal olunan smartfonların 1 ədədinin gömrük dəyəri təxminən 410 manat 77 qəpik olub. 

Dövlət Statistika Komitəsindən əldə etdiyimiz məlumata əsasən, idxal Çin, Hindistan, Koreya Respublikası və Vyetnamdan həyata keçirilib. 

Apardığımız hesablamalara əsasən, Çindən idxal olunan smartfonun 1 ədədi təxminən 378 manat 42 qəpik, Hindistandan idxal olunanın 1 ədədi 585 manat 49 qəpik olub.

Koreya Respublikası və Vyetnamdan idxal olunan smartfonların 1 ədədinin gömrük dəyəri isə müvafiq olaraq 204 manat və 623 manat 30 qəpik olub. 

Qeyd edək ki, cari ilin ilk ayında idxal olunan 107 675 ədəd smartfonun 92 935 ədədi Çindən, 13 718 ədədi Vyetnamdan, 792 ədədi Hindistandan, 230 ədədi isə Koreya Respublikasından gətirilib.

Bundan əlavə sözügedən dövrdə Azərbaycandan 12 ədəd smartfon ixracı həyata keçirilib. İxrac olunan smartfonların 1 ədədinin gömrük dəyəri təxminən 2 102 manat 33 qəpik olub. 

Xatırladaq ki, ötən ilin eyni dövründə sadalanan ölkələrdən savayı ABŞ, BƏƏ, İndoneziya, Tailand və Fransadan da smartfon idxalı həyata keçirilib.  

Həmin dövrdə isə Azərbaycandan sadəcə Çexiyaya ixrac həyata keçirilmişdi. Belə ki, ötən ilin ilk ayında Çexiyaya 1 ədədi təxminən 207 manat 58 qəpikdən 19 ədəd smartfon ixrac edilib. 

Rəhim