Azərbaycanda bu universitet 521 min manatlıq aviabilet alır
Azərbaycan Texniki Universiteti Türkiyə Azərbaycan Universiteti müəllimlərinin səfərləri ilə bağlı tenderin nəticələrini açıqlayıb.
Valyuta.az xəbər verir ki, qalib “Vega Travel Management” MMC olub. Müqavilə dəyəri 521 min 488 manat təşkil edir.
Razılaşmaya əsasən, müəllimlər üçün 3 ulduzlu mehmanxanada iki nəfərlik standart otaqlarda qalmaq imkanı yaradılacaq və səhər yeməyi qiymətə daxil ediləcək. Seçilən otel universitet binasına 1 km məsafədə yerləşməlidir. Mehmanxana həmçinin qonaqlara fitnes mərkəzindən istifadə imkanı da təqdim edəcək. Qeyd edilən xidmətlər 1560 gün ərzində göstəriləcək.
Bundan əlavə, 580 nəfərin Türkiyə və Azərbaycan arasında hava nəqliyyatı ilə səfəri təmin ediləcək. Marşrutlara İstanbul-Bakı-İstanbul, Ankara-Bakı-Ankara, Bakı-İstanbul-Bakı və Bakı-Ankara-Bakı istiqamətləri daxildir.
Maya Hüseynova
Mətndə səhv varsa, onu qeyd edib ctrl + enter düyməsini basaraq bizə göndərin.
Oxşar xəbərlər
Son xəbərlər
Ən çox oxunanlar
- Bu gün
- Bu həftə
- Bu ay
