Bu ilin yanvar-fevral aylarında “Atəşgah Həyat” Sığorta şirkətinin yığımlarında artım müşahidə edilib. 

Valyuta.az xəbər verir ki, bəhs olunan dövrdə sığorta şirkəti 16 milyon 798 min manat sığorta yığımı əldə edib.

Bu isə ötən ilin eyni dövrünə nisbətən 4 milyon 327 min manat və ya 34,7% çoxdur. 2024-cü ilin yanvar-fevral aylarında “Atəşgah Həyat” Sığorta 12 milyon 471 min manat sığorta haqqı toplaya bilib. 

Sığorta şirkəti yanvar-fevral aylarında 6 milyon 479 min manat sığorta ödənişi həyata keçirib ki, bu da ötən ilin eyni dövrü ilə müqayisədə 34 min manat, yaxud da 0,52% azdır. 2024-cü ilin yanvar-fevral aylarında “Atəşgah Həyat” Sığorta 6 milyon 513  min manat sığorta ödənişini həyata keçirib. 

Yığımların artması fonunda ödənişlərin azalması sığorta şirkətinin xeyrinə, yəni ödəniş-yığım nisbətinə müsbət təsir edib. Şirkət ötən ilin yanvar-fevral aylarında topladığı hər 100 manatdan 52,23 manatını ödənişə yönəldibsə, bu ilin eyni dövründə bu rəqəm 38,57 manat təşkil edib.

Xatırladaq ki,  “Atəşgah Həyat” Sığorta 1998-ci ildə təsis edilib. Onun nizamnamə kapitalı 6 milyon 500 min manatdır.

Maya Hüseynova