"Azər-İlmə" MMC-nin 4 avtomobili və 1 generatoru hərraca çıxarılacaq. 

Valyuta.Az xəbər verir ki, dövlətə 400 min manatdan çox vergi borcu olan MMC-nin hərraca çıxarılacaq avtomobilləri üçün start qiyməti 9 min manatdan başlayır.

Məlumata əsasən, 1 ədəd Volkswagen Caravella (2013), 1 ədəd Toyota Land-Cruiser-200 (2012), 2 ədəd Hyundai markalı avtomobil və 1 ədəd generator (EMSA 330KV) hərraca çıxaılacaq. 

Xatırladaq ki, "Azər İlmə" MMC şirkəti “Azərxalça”nın sabiq sədri, ev dustaqlığında ölən Vidadi Muradova məxsus olub. 11 milyon dəyərində olan şirkət keçmiş sədr həbs edilən zaman müsadirə olunub.

Hərrac 16 aprel 2025-ci il tarixində saat 11:00-da Əmlak Məsələləri Dövlət Xidmətinin Əmlak Xidmətləri Məkanında 2-ci mərtəbədə keçiriləcəkdir.

Qeyd edək ki, MMC-nin vergi borcu 434 min 469.93 manat təşkil edir.

Rəhim