Naxçıvan Muxtar Respublika Xəstəxanası ilə "Azəri Med" Qapalı Səhmdar Cəmiyyəti (QSC) ilə 487.539,04 AZN-lik müqavilə imzalanıb.

Valyuta.Az xəbər verir ki, imzalanan müqavilə reaktivlərin satınalınması ilə bağlıdır.

"Azəri Med" QSC tibb sektorunda fəaliyyət göstərən iri şirkətlərdən biridir. Şirkət əsasən tibbi avadanlıqların satışını həyata keçirir. 

2004-cü ildə təsis edilən "Azəri Med" QSC-nin nizamnamə kapitalı 10 000 manatdır. Şirkətin qanuni təmsilçisi Rəhimli Famil Vəli oğludur. Lakin "Azəri Med" QSC-nin əsl sahibi kimi deputat Kəmaləddin Qafarovun adı çəkilir. 

Şirkət haqqında yayılan və təkzib edilməyən məlumatlar bu iddianın əsassız olmadığı qənaətini yaradır. 

"Azəri Med" QSC-nin 2009-2013-cü illərdə qanuni təmsilçisi olmuş Qafarov Hüsaməddin Şəmsəddin oğlu Kəmaləddin Qafarovun yaxın qohumudur. 

Bundan başqa, reyster məlumatlarında şirkətin hüquqi ünvanı kimi qeyd edilən Binəqədi rayonu, Mustafa Kamal Atatürk prospekti, ev 65 A, məhəllə 3078A, mənzil 155-də deputatın ailə üzvlərinin qeydiyyatda olduğu bildirilir.

Rəhim