Cari ilin yanvar ayında 14 ölkədən Azərbaycana toplamda 1528.33 ton kərə yağı gətirilib. 

Valyuta.Az xəbər verir ki, idxal olunan kərə yağının 1 kq-nin ortalama qiyməti 7.2 dollar və ya 11.93 manat olub. 

Məlumata əsasən, ən çox kərə yağı İran İslam Respublikası, Yeni Zelandiya və Belarusdan idxal olunub. Belə ki, İrandan 887.22 ton, Yeni Zelandiyadan 254.22 ton, Belarusdan isə 81.91 ton kərə yağı gətirilib. 

Qiymətlərə gəlincə isə, kərə yağının 1 kq-si İrandan təxminən 6.18 dollar və ya 10.51 manat, Yeni Zelandiyadan 7.64 dollar və ya 12.99 manat, Belarusdan 8.64 dollar və ya 14.69 manata idxal olunub.

Bundan əlavə sözügedən dövrdə Ukrayna, Almaniya, Fransa, Türkiyə, Finlandiya, Səudiyyə Ərəbistanı, Litva, Portoqaliya, İtaliya və Rusiyadan da idxal həyata keçirilib. 

Belə ki, Ukraynadan 1 kq-si 8.83 dollar və ya 15.01 manatdan 79.8 ton, Almaniyadan 9.02 dollar və ya 15.33 manatdan 70.47 ton, Fransadan 9.02 dollar və ya 15.33 manatdan 51.71 ton, Türkiyədən  6.99 dollar və ya 11.88 manatdan 41.96 ton, Finlandiyadan 8.16 dollar və ya 13.87 manatdan 40.42 ton, Səudiyyə Ərəbistanından 8.25 dollar və ya 14.03 manatdan 14.41 ton, Litvadan 8.34 dollar və ya 14.18 manatdan 5.8 ton, Portuqaliyadan 18 dollar və ya 30.60 manatdan 60 kq, İtaliyadan 14 dollar və ya 23.80 manatdan 10 kq miqdarında idxal həyata keçirilib. 

Sözügedən dövrdə Azərbaycandan isə 960 ton ixrac həyata keçirilib və bu ixracın hamısı Rusiyaya olub. Rusiya da kərə yağı idxal etdiyimiz ölkələrin siyahısında yer alıb. 

Belə ki, Azərbaycandan ixrac olunan kərə yağının 1 kq-nin orta qiyməti təxminən 6.97 dollar və ya 11 manat 93 qəpik olub. Rusiyadan idxal olunanın qiyməti isə (1 kq üçün) təxminən 11.83 dollar və ya 20.11 manat olub. Qeyd edək ki, həmin dövrdı Rusiyadan 350 kq kərə yağı idxal olunub.

Rəhim