Azərbaycan tikinti materiallarının xarici ölkələrə ixracı ilə bağlı araşdırmalar aparılır

Valyuta.az xəbər verir ki, bu barədə ATMİA Baş Katibi Şahanə Sarı mətbuat nümayəndələrinə Rusiya ilə ticarət əlaqələrindən də danışıb: “Rusiya ilə ticarətdə ciddi bir problemlə qarşılaşmırıq. Tam tərsi olaraq, yaxın gələcəkdə, stabiləşmə olduqdan sonra ixracatı artırmaq üçün işlərin görülməsi planlaşdırılır. Yanvar ayında Rusiya Ticarət Müşavirliyi ilə memorandum imzaladıq. Bütün Rusiya ərazisində fəaliyyət göstərən İnşaat Materialları İstehsalçıları Assosiasiyalarının siyahısı bizə verildi. Belə ki, Rusiyadan Azərbaycana idxal olunan məhsulların həcmi Azərbaycandan Rusiyaya idxal olunan məhsulun həcmindən 3 dəfə artıqdır. Bu balansı stimullaşdırmaq üçün sistemli işlər görməyə start vermişik". 

Ş.Sari bildirdi ki, bu sahədə xarici əlaqələri genişləndirmək üçün Asiya hədəf bazarıdır: “Çünki ticarət müqavilələrimiz var və bizim şirkətlər daha rahat ixrac həyata keçirə bilirlər. Bildiyimiz kimi inşaat materialları çox həcmli məhsullar olduğundan, daşınması ağırdır. Onların bir ölkədən digər ölkəyə daşınmasında müəyyən məsafədən sonra ixracatı sərf eləmir. Ona görə də Rusiya daxil olmaqla Asiya ölkələri daha sərfəlidir”. 

Əlavə olaraq qeyd etdi ki, hal-hazırda Balkan yarımadası vasitəsi ilə avropa ölkələrinə də istehsalçıların çıxması üzərində işlər aparılır: “Hal-hazırda avropa inşaat materialları standartlarını öyrənmə mərhələsindəyik. İlkin qiymət araşdırılması önəmlidir, daşınma uzaq olduğuna görə addım-addım ölkələrdəki gömrük rüsumlarını, daşıma xərclərini araşdırırq”- deyə qeyd edib.

Sərvanə Rəmixanova