2025-ci ilin yanvar ayında ixracda qeyri-neft sektoru üzrə 5 əsas ölkəninin siyahısı açıqlanıb. 

Valyuta.az xəbər verir ki, qeyri-neft sektoru üzrə ölkələrin başında 69,7 milyon ABŞ dolları ilə Rusiya gəlib. Ötən ilin eyni dövründə bu göstərici 78,8 milyon ABŞ dolları olub. Rəqəmlərin müqayisəsi ilə demək olar ki, Rusiyayaya qeyri-neft sektoru üzrə ixracda 9,1 milyon ABŞ dolları və ya 11,5% azalma olub. 

Siyahının 2-ci yerində 45,7 milyon ABŞ dolları ilə Türkiyə qərarlaşıb. Ötən ilin eyni vaxtında bu göstərici 49,7 milyon ABŞ dolları təşkil edib ki, bu da qonşu ölkə ilə qeyri-neft ixracı sektorunun 4 milyon ABŞ dolları və ya 8,4% azaldığını deməyə əsas verir.

Siyahının 3-cü yerində qonşu ölkə Gürcüstan yer alıb. Belə ki, 2025-c ilin fevral ayında qeyri-neft sektoru üzrə Gürcüstanın göstəricisi 26,5 milyon ABŞ dolları olub. Ötən ilin eyni dövrü ilə müqayisdə göstəricilər 8,7 milyon ABŞ dolları və ya 48,8% artım göstərib. Ötən ilin eyni dövründə qeyri-neft sektoru üzrə Gürcüstana 17,8 milyon ABŞ dolları dəyərində ixrac olub.

Siyahıda 4-cü yerdə qeyri-neft sektoru üzrə  21,4 milyon ABŞ dolları dəyəri ilə İsveçrə gəlib. İsveçrənin illik hesabatında bu göstərici 7,1 milyon ABŞ dolları olub. Nəticə deməyə əsas verir ki, bu ölkənin qeyri-neft sektoru üzrə göstəriciləri 3 dəfə və yaxud da 14,3 milyon ABŞ dolları dəyərində artıb. 

Siyahının sonuncu yerində 19,4 milyon ABŞ dolları ilə Ukrayna qərarlaşıb. Ötən ilin eyni dövrü ilə müqayisədə Ukraynanın qeyri-neft sektoru üzrə göstəriciləri 7,5 milyon ABŞ dolları və yaxud 2 dəfə artıb. Ötən il qeyri-neft sektoru üzrə göstəricilər bu ölkə üçün 11,9 milyon ABŞ dolları dəyərində hesablanıb. 

Sərvanə Rəmixanova