"Aqrarkredit" Qapalı Səhmdar Cəmiyyəti Bank olmayan Kredit Təşkilatının balansında olan əmlakların növbəti hərracı keçiriləcək.

Valyuta.Az xəbər verir ki, hərracı təşkil olunan əmlaklar ümumi sahəsi 218.84 kv.m olan 1 mənzil və sahəsi 823.5 kv. m 1 qeyri-yaşayış binasından ibarətdir. 

Bakı şəhəri, Nəsimi rayonu, Bülbül prospekti, ev 65 c, mənzil 10, giriş A ünvanında yerləşən mənzilin start qiyməti 350 min manat, Hacıqabul şəhəri, Hacıqabul-Şirvan Avtomobil yolunun şərqi, Mişovdağ yolu,1-ci döngə, 3 ünvanında yerləşən qeyri-yaşayış binası üçün isə start qiyməti 112 min manat təyin edilib. 

Əmlaklar üçün beh məbləği müvafiq olaraq 17.5 min manat və 5.6 min manatdır. 

Qeyd edək ki, hərrac 16 aprel 2025-ci il tarixində saat 11:00-da Hərrac Əmlak Xidmətləri Məkanında (Bakı şəhəri, Nizami rayonu, Xəlil Rza Ulutürk küçəsi, 20 ünvanında) keçiriləcəkdir.

Onu da əlavə edək ki, qeyd olunmuş əmlaklar 3-cü dəfə 30% qiyməti aşağı salınmaqla təkrar hərraca çıxarılır.

Rəhim